مملكه الاحزان
عضو فعال
العمل : 
البلد : مصر
عارض الطاقه :
عددالمسهمات : 77
الجنس : 
تاريخ الميلاد : 05/03/1990
تاريخ التسجيل : 03/06/2010
العمر : 34
بطاقة الشخصية
البيانات الشخصية للعضو:
 |  موضوع: سلسلة برهان وبركان : الحاجة أرواح....ود. رؤوف سايكو  الأحد يونيو 06, 2010 7:21 pm | |
| 
السيد برهان: درويش خليك فى حالك ومش لازم تولعها ، ولا عايز تروح اسكندرية؟
هنا تحسس درويش على مافيش على الجزء الخلفى من الرقبة (القفا) وانسحب
السيد برهان: مالك ياصابر؟ بقيت عصبى ليه؟ صحتك بالدنيا
صابر الغلبان: انت مش شايف يابرهان؟ فى الملعب شتيمة وقلة قيمة وحتى البلاى ستيشن طلعت أهلاوية.
السيد برهان: وانت ليه ماتعترفش بالحقيقة وتتقبلها بروح رياضية؟
صابر الغلبان: الحقيقة الوحيدة اللى اعرفها ان الزمالك نادى الوطنية وانه راجع "تانى"
السيد برهان: يا غلبان ماهو فعلا "تانى" فى الدورى ، وبعدين انت ماقريتش كتاب التاريخ فصل الوطنية صفحة الاهلى؟
صابر الغلبان: لا ياسيدى
السيد برهان: طيب قريت كتاب البروتوكولات فصل مرزباخ صفحة نادى قصر النيل؟
صابر الغلبان: مرزباخ مين؟
السيد برهان: مرزباخ مؤسس نادى قصر النيل ونادى المختلط
صابر الغلبان: تانى ؟ أنا ناقض؟ حرام عليكم الظلم .. بطلوا بقى
السيد برهان: هو ليه الحقيقة بتزعل؟ وليه الكدب بيريح .. ماتزعلش منى ياغلبان بس انت محتاج علاج نفسى!!! اسمع الكلام انت زى أخويا ويهمنى مصلحتك
صابر الغلبان: هو اللى يقول لكم "لا" يبقى مجنون؟ تحب أثبت لك ان اللى أسس نادى الزمالك مش يهودى وأنا مش مجنون؟
السيد برهان: مش لما تثبت الاول امتى اتأسس نادى الزمالك؟ ياصابر ياغلبان انتم نادى بلا شهادة ميلاد... بلا تاريخ تأسيس اثبتوا تاريخ ميلادكم الاول بوثيقة رسمية وبعدين نتكلم فى مرزباخ ، ده لو هو اللى أسس الزمالك
صابر الغلبان: امال هو أسس ايه؟ احنا نروح للحاجة "أرواح" محضرة الارواح ، تحضر لنا روح مرزباخ ونسأله!
بالرغم من دهشة برهان ورفضه للفكرة الا أنه وافق بشرط أن نأخذ صابر الغلبان الى صديقه طبيب الامراض النفسية والعصبية دكتور رؤوف سايكو
دخل الغلبان متقدما وتبعه برهان على حضرة الحاجة أرواح التى استطاعت تحضير روح مرزباخ ففوجىء الجميع ان مرزباخ لايتحدث العربية أصلا وسلم عليهم بالفرنساوى فتحدث معه برهان وترجم لصابر الغلبان الذى رفض الترجمة طالبا بمترجم أجنبى
روح مرزباخ: خير؟ عايزين ايه؟
السيد برهان: انت مرزباخ؟ ادينا أمارة؟
روح مرزباخ: "شالوم"
السيد برهان: انت اللى أسست نادى الزمالك؟
روح مرزباخ: يعنى ايه نادى الزمالك؟ أنا ماأعرفش نادى بالاسم ده!!
السيد برهان: انت أسست اندية فى مصر؟
روح مرزباخ: نعم أسست ناديين ... واحد اجتماعى اسمه قصر النيل وواحد رياضى اسمه المختلط نسبة الى المحاكم المختلطة اللى كنت باشتغل فيها
السيد برهان: هما الاثنين مش نادى واحد؟
روح مرزباخ: مين اللى قال؟
السيد برهان: كتاب نادى الزمالك...
روح مرزباخ: تانى الزمالك؟ طيب عندهم وثيقة بتقول ان الاثنين نادى واحد؟
السيد برهان: لا
روح مرزباخ: لما يبقى عندهم وثيقة يبقوا يتكلموا ... المحاماة علمتنا كده
السيد برهان: بالمناسبة انت ليه كان كل أصدقاءك اما حكام أوأجانب وليه أشهر قضاياك كانت ضد الحركة الوطنية و الزعماء المصريين؟
روح مرزباخ: لاتعليق ياحبيبى وكفاية انى نجحت فى مهمتى اللى مكملة لغاية دلوقتى فى المجتمع المصرى... الغلبان
ثم انسحب مرزباخ بهدوء ورفض صابر الغلبان ما يتم التوصل اليه بحجة عدم الحيادية ولكنه التزم بالذهاب الى دكتور رؤوف سايكو ونام على الشيزلونج وبدأ الكلام عن حالته وأحاسيسه وتوقعاته وحياته وتأثير تشجيعه للزمالك عليها وسبب حبه للزمالك و كرهه للاهلى وتعاطفه مع الاسماعيلى.
د.رؤوف سايكو: انت يا صابر حالتك مستعصية وتقريبا مالهاش حل عندى
صابر الغلبان مرتعشا: ازاى يادكتور ؟ عندى ايه؟
د.رؤوف سايكو: عندك انبعاج مزدوج فى الرؤية الداخلية مع تطور الزمن تحولت الى اعوجاج ثلاثى فى قاع العقل الباطن
صابر الغلبان باكيا: يعنى ايه يادكتور؟
د.رؤوف سايكو: يعنى الاحباط المزمن اللى عندك تكور وتحور وتدور وتبلور فى قاع الانا تحولت الى فوبيا الحقد مع هيستيريا معكوسة الاتجاه تدمن الفشل قد تتطور لاحقا الى شيزوفرينيا بيضاصفراوية تختلط فيها الالوان ودى مش استيجماتيزم دى ... غلليزم... حسديزم... حقديزم يخللى الابيض يصفر والاصفر يبيض
صابر الغلبان: والحل؟
د.رؤوف سايكو: نضربهم مع بعض لانهم شبه الامومليت
صابر الغلبان: وبعدين؟
د.رؤوف سايكو: تمشى على العلاج ده
1- تبطل حاجة اسمها كرة خالص .. بصراحة مالكش فبه
2- تبطل الالوان التى تمت الى الوان البيض سواء صفار أو بياض... لانهم زلال وكوليسترول
3- تحاول تقرأ شوية فى نظريات الحياة وتجارب الناس الناجحة
4- تاخد الدواء ده وتمشى عليه بانتظام لغاية ماتخلص 6 علب
5- تبطل تقرأ جريدة " دستور ياسيادنا" لانها بتضحك عليكم وفى الاخر برضه بتكتشفوا الحقيقة
6- احفظ جدول الضرب لغاية 6 فى 6 وكررها كتير لغاية ما تتعود عليها وتبدأ تتعايش معاها
صابر الغلبان: برضه 6 .... طيب يا دكتور بيبو.....
د.رؤوف سايكو: أنا بيبو؟
صابر الغلبان: لا أنا اللى بشير!
وهرب صابر الغلبان من العيادة الى الشارع و هو يجرى قائلا "أنا مش قصير أوزعه.... أنا طويل ... والحظ قليل"
| |
|
العمل : 
البلد : مصر
عارض الطاقه :
تاريخ التسجيل : 31/12/1969
بطاقة الشخصية
البيانات الشخصية للعضو: 20
| | موضوع: رد: سلسلة برهان وبركان : الحاجة أرواح....ود. رؤوف سايكو الإثنين يونيو 07, 2010 4:11 am | |
| | |
|
